BAP: Jupp
1.
Ahn der Vringspooz triffsten
met singe Kumpels un dä Mammutfläsch Lambrusco
Op dä Plastiktüüt
met singe paar Klamotte steiht: Eduscho
jo, dä Jupp trick jraad sing Sejel huh
un hä nemp dich met, jedenfalls meint er et
un hä verzähllt sich fruh
2.
Om Projamm steiht Weltreis.
Wie jeden Daach verzällte, wat ihm wo passiert ess
Kokosnüss un Packeis…
und wie hä üvver den Äquator balanciert ess
un üvverhaup, die dausend Fraue, die hä kannt
un die Messerstecherei, sick der dä Duhme fehlt,
ahn singer rechte Hand.
3.
Un eez en Katmandu,
wo hä met zwei Yetis Skat jekloppt hätt
do woot manche Nejer blass
vun dämm, wat unsre Jupp -och jeistisch- alles drophätt
un dann die Wahnsinnszick als Robinson
en singer eijene Welt, janz op sich self jestellt
oh Mann, wer kann dat schon?
4.
Jupp verzällt vom Joldrausch
un, wie hä Twist jedanz hätt met 'ner Cobra
Vun 'nem karrierten Zebra,
dä blonde Fee aus Peking, namens Lola.
Nur vun Stalingraad verzällte nie
„Wo litt denn Stalingraad? En welchem Land ess dat?“
Stalingraad pack hä nie, irgendwie.
--
Es gibt ein Ziel, aber keinen Weg; was wir Weg nennen, ist Zögern. (Kafka)