01.Gerd Köster + Konsorten – Freaks
Zum mitsingen:
(Orig.: Freakin` at the freakers` ball, T.&M.: Shel Silverstein)
Eh ! Mir maachen hück en Party klor
Hück Naach un all die Freaks sin do
Un die waaden all wie jeck
Schon all die Johr
Kutt ihr Schräje molt üch ahn
Flitsch die Motte vun dä Soutan`
Un nieht ühr Niete-Strapse dran
`t es Vollmond un die Freaks sin do
Schmiess dä Reeme op de Orjel
Un lapp op de Trumm
Putz ding Zäng met Jamaika Rum
Dat kütt su joot jo dat määt Mumm
`t es Vollmond un die Freaks sin do
Die janze Tunte un Lesbe
Spille Klammerjässje
Die Heilsarmee bringk
em Stechschritt e Fässje
Et twisten die Sadiste
Un dä Masoschist säät:
Bitte quäl mich jetz
Dä Sadist säät: Nä
Die Schmier die danz ne Tango met dä Junkies
Dä Pastur jospelt unerhört funky
Övver de Bänk de Wäng erop
`t es Vollmond un die Freaks sin do
Dummer die Tüt` un noch ene Wing
Ich knutsch dich bes de schiels em Vollmondsching
Häng ding Plute an de Ling
`t es Vollmond un die Freaks sin do
Katz un Muus trecken an einer Pief
Die Politesse sin als eezte stief
Dat ein dat hät däm Köbes sing Pief em Liev
`t es Vollmond un die Freaks sin do
Schwatze Wiesse Jääle un Ruude
Paar Nekrophile jroove noh Dude
Et twisten die Sadiste
Un dä Masoschist säät:
Bitte quäl mich jetz
Dä Sadist säät: Nä
Kind und Käjel sin am jruuve
Pitbulls schunkele met wiesse Duuve
Junge Räuze läje Kaate vür ahle Schruuve
`t es Vollmond un die Freaks sin do
`t es Vollmond un die Freaks sin do
--
>Still crazy after all these years<>>>